Türkmen türgeniniň gazanan üstünligi
Türkmenistanyň Bedenterbiýe we sport baradaky döwlet komitetiniň 2024-nji ýyl üçin Umumydöwlet we halkara sport çäreleriniň ýeke-täk senenama meýilnamasyna laýyklykda, 2024-nji ýylyň 19-22-nji sentýabry aralygynda Hytaý Halk Respublikasynyň Hanžou şäherinde geçirilen Karatedo boýunça Aziýa çempionatyna Türkmenistanyň ýygyndy toparyndan 6 türgen, 3 emin, 2 tälimçi we 1 wekil gatnaşdy. Bu ýaryşda jemi 30 sany döwletden 356 türgen çykyş etdiler.
Netijede, Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary fakultetiniň 4-nji ýyl talyby Nazmyradow Dawut 75kg agramda çykyş edip, 1-nji tutluşykda Kamboja döwletiniň türgenini, 2-nji tutluşykda Iordan Haşimit Patyşalygynyň türgenini ýeňip,teselli beriji tapgyrda Saud Arabystany Patyşalygynyň türgenini ýeňip, 3-nji orna we bürünç medala eýe boldy.
Bu görkezilen netijeler türkmen türgenleriniň ýurdumyzyň abraýyna goşant goşup,ýurduň mertebesini beýge galdyrýandygynyň aýdyň nyşany bolup durýar.Bu gazanylan üstünlikler hormatly Prezidentimiziň türkmen türgenleri üçin edýän çäksiz tagallalarynyň netijesidir.
Derkar ALLAKOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.