Türkmen azyk öndürjileri “F-Istanbul” atly halkara sergä gatnaşarlar
Berkarar döwletiň täze eýýamynyň Galkynyşy döwründe hormatly Prezidentimiziň alyp barýan ynsanperwer dașary we içeri syýasaty netijesinde Türkmenistan döwletimiziň halkara abraýy günsaýyn belende galýar. Türkmenistan döwletimiz bilen ýakyn-alysdaky döwletler dost-doganlyk we özara bähbitli gatnaşyklary döwrebap ösdürmeklige işjeň gatnaşýarlar. Ýurdumyz Garaşsyzlyk alan ilkinji gününden bäri bu ýörelgäni şygar edip gelýär. Halkymyzyň parahatçylyk söýüjilik, adalatlylyk, ynsanperwerlik ýörelgelerine esaslanýan içeri we daşary syýasatymyz uly rowaçlyklara beslenýär. Türkmenistan döwletimiz özüniň daşary syýasaty ugrunda hoşniýetli goňşuçylyga, birek-birege sarpa goýmaga, deňhukuklylyga, özara peýdaly hyzmatdaşlyga esaslanýan oňyn bitaraplyk syýasatyndan ugur alyp dünýä ýurtlary bilen, abraýly halkara guramalary bilen ykdysady, syýasy, medeni, ylym-bilim we beýleki ugurlarda ygtybarly gatnaşyklaryň, halkara hyzmatdaşlygyň gerimini günsaýyn giňeldýär. Türkmenistanyň iň ýakyn goňşusy bolan we umumy taryhy kökleri müňýyllyklaryň jümmüşinden gözbaş alýan dostlukly döwletleriniň biri hem Türkiýe Respublikasydyr. Asyrlar boýy goňşuçylykda ýaşaýan türkmen we eýran halklarynyň taryhynda, medeniýetinde ösüşinde umumylyklar, meňzeşlikler köpdür. Türkmenistan bilen Türkiýäniň arasyndaky strategiki we giňmöçberli hyzmatdaşlyk dostlugyň, hoşniýetli goňşuçylygyň we deňhukukly gatnaşyklaryň ählumumumy we mizemez ýörelgelerine esaslanýar.
Türkmenistanyň ýerli önümçilik haryt nyşanly hususy kompaniýalary 2023-nji ýylyň 12-14-nji iýul aralygynda Türkiýäniň Stambul şäherinde geçiriljek “F- Istanbul” atly halkara sergä gatnaşarlar. Bu azyk senagatynda ýylda geçirilýän çäre dürli ýurtlardan, şol sanda Türkmenistandan sergä gatnaşyjylary özüne çekýär.
Birnäçe daşary ýurt kompaniýalary bilen bir hatarda, “Arçalyk”, “Kilwan”, “Altyn Ýunus”, “Parasatly”, “Balşeker”, “Ak Gar”, “Mähriban-Merw”, “Täze Aý”, “Balam”, “Sada”, “Tükel”, “Mekan”, “Misgär” we “Altyn Şöhle” ýaly türkmen brendleri hem sergä gatnaşarlar. Bu barada Türkmenistanyň Senagatçylar we telekeçiler birleşmesi habar berdi.
“F-Istanbul” atly halkara sergide azyk, içgi, konditer önümleri, azyk önümleriniň düzümleri we gaplama, şeýle hem dükan enjamlary we dükanlaryň dizaýnynda soňky gazananlary görkeziler.
Bu halkara sergi täze täjirçilik we bazar gatnaşyklaryny döretmek üçin öndürijileri, eksportçylary, importçylary, lomaý satyjylary we paýlaýjylary bir ýere jemlär. Serginiň esasy maksady azyk senagatynda hyzmatdaşlygyň halkara platformasyna öwrülmekdir.
“F-Istanbul” atly halkara sergä ýerli önümçilik haryt nyşanly hususy türkmen kompaniýalarynyň gatnaşmagy, türkmen önümleriniň dünýä bazaryna çykarylmagyna goşant goşýar we täze hyzmatdaşlyk gurmak hem-de işewür gatnaşyklary giňeltmek üçin mümkinçilikler döredýär. Bu sergi türkmen brendlerini tanatmaga we täze maýa goýumlaryny çekmäge ýardam berer.
Bu ýerde azyk we azyk däl önümler, lomaý we bölek söwda, inženerçilik, gurluşyk, moda we gözellik, maliýe we maýa goýum pudagyndaky halal hyzmatlar, syýahatçylyk, bilim, IT we saglygy goraýyş ýaly ugurlarda ýetilen sepgitler görkeziler.
Türkmenistan we Türkiýe bar bolan mümkinçilikleri göz öňünde tutup, umumy tagallalaryň ulanylmagy iň täsirli hasaplanýan, söwda we ykdysady ugur, ýangyç we energetika toplumy we beýleki birnäçe pudaklarda öndürijilikli hyzmatdaşlyk edýärler.
Ýurdumyzyň halkara derejesinde abraýyny belende götermäge giň mümkinçilikleri döredip berýän Gahryman Arkadagymyzyň we Arkadagly Serdarymyzyň janlary sag, alyp barýan işleri elmydama rowaç bolsun!
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.
Çeşme: