Türkmen-amerikan hyzmatdaşlygyna bagyşlanan okuw sapagy
2022-nji ýylyň 23-nji maýynda Türkmenistanyň Daşary işler ministrliginiň Halkara gatnaşyklary institutynda Amerikanyň Birleşen ştatlarynyň Türkmenistandaky Adatdan daşary we Doly ygtyýarly ilçisi Mettýu S.Klimowyň gatnaşmagynda okuw sapagy gurnaldy. Oňa institutyň talyplary gatnaşdylar.
Okuw sapagynyň dowamynda hormatly ilçi türkmen-amerikan gatnaşyklarynyň taryhy barada aýdyp, 1992-nji ýylyň 4-nji aprelinde ýola goýlan diplomatik gatnaşyklar häzirki döwürde döwletleriň özara bähbitli hyzmatdaşlygyny ösdürmäge aýratyn ähmiýet berýär. Türkmen-amerikan gatnaşyklarynda bar bolan syýasy diplomatik tejribe we döwletleriň erki bu gatnaşyklaryň has-da kämil bolmagyna we mundan beýläk-de ösmegine giň şertleri döredýär. Şonuň üçin hem amerikan işewürleriniň türkmen ykdysadyýetine maýa goýmak babatyndaky ýörelgeleri uly ähmiýete eýedir diýip, nygtady.
Şeýle-de hormatly ilçi öz çykyşynda diplomatik gatnaşyklaryň ýola goýulmagynyň 30 ýylynyň içinde gazanylan tejribe dogrusynda gürrüň berdi. Okuw sapagynyň barşynda talyplar tejribeli ilçä özlerini gyzyklandyrýan sowallary berdiler. Hormatly ilçi özüne berlen sowallara maslahata ýuwrulan jogaplary berdi.
Annagözel MEKANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 2-nji ýyl talyby.