Telekeçilik işi boýunça onlaýn bäsleşik geçirildi
2025-nji ýylyň 26-njy fewralynda Türkmen döwlet maliýe instituty tarapyndan Türkmenistanyň ýokary okuw mekdepleriniň talyplarynyň arasynda “Telekeçilik işi boýunça” onlaýn bäsleşik geçirildi. Oňa Türkmenistanyň ýokary okuw mekdepleriniň, şol sanda Türkmenistanyň Daşary işler ministrliginiň Halkara gatnaşyklary institutynyň talyp ýaşlary gatnaşdylar.
Bäsleşik ykdysadyýetiň iň möhüm pudaklarynyň biri bolan telekeçilik işine we onuň ykdysady esaslaryna bagyşlandy. Bäsleşigiň netijeleri boýunça Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň II ýyl talyby Dawut Gezerow I orna, şeýle-de şol fakultetiň IV talyplary Ýupar Egirjäýewa we Aýjahan Gulhanowa II orna mynasyp boldular.
Bäsleşik talyp ýaşlara özleriniň ykdysady nazaryýet babatda bilimlerini artdyrmaga ýardam etdi.
Seýitnepes GURBANMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.