«Telekeçileriň halkara bazarlaryna çykmagynda diplomatiýanyň orny» atly okuw sapagy geçirildi
2022-nji ýylyň 14-nji oktýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «Telekeçileriň halkara bazarlaryna çykmagynda diplomatiýanyň orny» atly okuw sapagy geçirildi. Oňa institutyň I ýyl talyplary gatnaşdylar.
Okuw sapagyny Türkmenistanyň Daşary işler ministrliginiň Halkara gatnaşyklary institutynyň dosenti, tehniki ylymlarynyň kandidaty Öwezmyrat Bäşimow alyp bardy. Okuw sapagynda talyplar telekeçilik we onuň görnüşleri, bank ulgamy, diplomatiýa, galyberse-de, ulag logistika hakda pikir alyşdylar. Şeýle-de talyplar özlerini gyzyklandyrýan soraglary sorap, telekeçilik we diplomatiýa baradaky bilimlerini artdyrdylar.
Ýagşymyrat ÖWEZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.