Talyplarymyzyň matematika olimpiadasyndaky üstünlikleri
2021-nji ýylyň 26-27-nji oktýabrynda Türkmen döwlet binagärlik-gurluşyk institutynyň guramagynda ýurdumyzyň ýokary okuw mekdepleriniň talyplarynyň arasynda matematika dersi boýunça “II Açyk internet olimpiadasy” geçirildi.
Ýokary guramaçylyk derejesinde geçirilen bu bäsleşige ýurdumyzyň dürli ýokary okuw mekdepleriniň 18-sinden jemi 185-den gowrak talyplar bilen bir hatarda Türkmenistanyň Daşary işler ministrliginiň Halkara gatnaşyklary institutynyň talyplary hem işjeň gatnaşdy.
Olimpiadanyň netijeleri boýunça Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 4-nji ýyl talyby Akmyrat Tirkeşow, 3-nji ýyl talyby Jahangir Polatbaýew 2-nji orna, şol fakultetiň 3-nji ýyl talyby Meýlis Hojamyradow, 2-nji ýyl talyby Arazgül Ballyýewa şeýle-de Halkara žurnalistikasy fakultetiniň 3-nji ýyl talyby Begenç Aşyrow 3-nji orna mynasyp bolup, üstünlikli çykyş etdiler.
Oraztäç ÇAPAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.