TALYP ÝOLDAŞYMYZYŇ NOBATDAKY ÜSTÜNLIGI
2026-njy ýylyň 7-nji aprelinde Türkmen oba hojalyk institutynda ýurdumyzyň ýokary okuw mekdepleriniň talyplarynyň arasynda “Genetika” boýunça IV internet ders bäsleșigi geçirildi. Bu bäsleșige Türkmenistanyň Dașary işler ministrliginiň Halkara gatnaşyklary institutynyň talyplary hem işler gatnaşdylar.
Bäsleşigiň esasy maksady talyplaryň taýýarlygynyň hilini kesgitlemek olaryň bilimlerini we başarnyklaryny berkitmek, çuňlaşdyrmak, döredijilik ösüşini höweslendirmek, hünärmenleri taýýarlamakda genetika dersiniň ähmiýetine düşünmek, önümçilik we gözleg işlerinde ýüze çykýan ylmy hem-de amaly meseleleri derňemäge ukyply ýaş hünärmenleri ýetişdirmekden ybarat boldy.
Ders bäsleşiginiň netijeleri boýunça Türkmenistanyň Daşary işler ministrliginiň Halkara gatnaşyklary institutynyň Halkara gatnașyklary fakultetiniň 3-nji ýyl talyby Sahydöwlet Hümmetjumaýew III orna mynasyp bolup, diplom bilen sylaglandy, oňa Halkara ykdysady gatnaşyklary kafedrasynyň mugallymy Sülgün Nepesowa ýolbaşçylyk etdi.
Bu bäsleșik Hormatly Prezidentimiziň ýaşlar üçin edýän taýsyz tagallalary netijesinde talyplaryň tebigy bilimlere bolan gyzyklanmasynyň has-da artýandygyny ýene bir gezek subut etdi.
Aýnazar AMANORAZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 1-nji ýyl talyby