Talyp ýoldaşlarymyzyň üstünligi
«Pähim-paýhas ummany Magtymguly Pyragy» ýylynda beýik türkmen
akyldary Magtymguly Pyragynyň doglan gününiň 300 ýyllygy mynasybetli
Türkmenistanyň Bilim ministrligi hem-de Magtymguly adyndaky Türkmen döwlet
uniwersiteti tarapyndan ýurdumyzyň ýokary we mugallymçylyk orta hünär okuw
mekdepleriniň talyplarynyň arasynda yglan edilen «Magtymguly Pyragy —
köňülleriň şamçyragy» atly makala ýazmak boýunça geçirilen bäsleşigiň jemi
jemlendi. Bäsleşige ýurdumyzyň ýokary okuw mekdepleriniň talyplarynyň
makalalarynyň 60-a golaýy gelip gowuşdy. Döredijilik bäsleşiginiň netijelerine
görä, institutymyzyň Halkara žurnalistikasy fakultetiniň III ýyl talyby
Gurbanmyrat Aşyrow bäsleşigiň I derejesi boýunça 2-nji orna, şeýle hem Halkara
gatnaşyklary fakultetiniň I ýyl talyby Sahydöwlet Hümmetjumaýew II derejesi
boýunça 2-nji orna mynasyp boldular. Talyp deň-duşlarymyzy gazanan üstünlikleri
bilen gutlaýarys we olara mundan beýläk hem döredijilik äleminde şowlulygyň ýar
bolmagyny arzuw edýäris!
Bereket ÖWEZGELDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
III ýyl talyby.