TALYP ÝAŞLARYŇ ARASYNDA HUKUK DÜŞÜNJELILIGINI ÝOKARLANDYRMAK, SAGDYN DURMUŞ WE MILLI AHLAK ÝÖRELGELERINI ÝAÝBAŇLANDYRMAK BOÝUNÇA WAGYZ-NESIHAT DUŞUŞYGY
Berkarar döwletiň täze eýýamynyň Galkynyşy döwründe hormatly Prezidentimiziň alyp barýan syýasatynda türkmen jemgyýetiniň ahlak arassalygy, ýurdumyzyň geljegi bolan ýaşlarymyzy watansöýüjilik ruhunda terbiýelemek, zyýanly endiklerden gaça durmak, sagdyn durmuş ýörelgelerini ýola goýmak we halal zähmet çekmek meselesine aýratyn ähmiýet berilýär.
Şunuň bilen baglylykda, 2024-nji ýylyň 4-nji martynda Türkmenistanyň Daşary işler ministrliginiň Halkara gatnaşyklary institutynda talyp ýaşlaryň arasynda hukuk düşünjeliligini ýokarlandyrmak, sagdyn durmuş we milli ahlak ýörelgelerini ýaýbaňlandyrmak, ýol hereketiniň howpsuzlygyny berjaý etmek hem-de kanun bozulmalarynyň öňüni almak boýunça wagyz-nesihat duşuşygy geçirildi.
Duşuşyga Türkmenistanyň Içeri işler ministrliginiň Jenaýat agtaryş müdirliginiň bölüm müdiri, polisiýanyň maýory G.Weliýew, Türkmenistanyň Içeri işler ministrliginiň Polisiýanyň ýol gözegçiligi müdirliginiň uly gözegçisi, polisiýanyň maýory J.Pygyýew, Türkmenistanyň Içeri işler ministrliginiň Metbugat merkeziniň bölüm müdiri, polisiýanyň maýory M.Ýagşyýew, Türkmenistanyň Ýokary kazyýetiniň Maglumatlar merkeziniň bölüm müdiri S.Durdyýew, Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň başlygy R.Hydyrlyýew, Türkmenistanyň Kärdeşler arkalaşyklarynyň Milli merkeziniň döwlet edaralarynyň işgärleriniň kärdeşler esasy hünärmeni A.Pirnazarowa we Aşgabat şäheriniň Talyplar saglyk öýüniň lukmany Ş.Arabowa gatnaşdylar.
Duşuşygyň dowamynda çykyş edenler ýaşlaryň jemgyýetimizde eýeleýän ornuny pugtalandyrmak boýunça alnyp barylýan işler, öňde goýlan wezipeler, şeýle hem terbiýeçilik ähmiýetli öwüt-nesihatlaryny, millilik, däp-dessur we edep-terbiýe kadalaryny, sagdyn durmuş ýörelgelerini, maşgala gymmatlyklaryny ula hormat, kiçä sarpa goýmak, terbiýelemek we ony giňden wagyz etmek dogrusynda giňişleýin gürrüň berdiler.
Ogulsuraý GURBANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.