Talyp deň-duşumyzyň halkara üstünligi
2024-nji ýylyň 25 — 30-njy noýabry aralygynda Magtymguly adyndaky Türkmen döwlet uniwersiteti tarapyndan ýurdumyzyň we daşary ýurtlaryň ýokary okuw mekdepleriniň talyplarynyň arasynda Himiýa dersi boýunça III Halkara olimpiadasynyň ýapylyş dabarasy geçirildi. Bu III Halkara olimpiadasyna Russiýa Federasiýasynyň, Hytaý Halk Respublikasynyň, Ýaponiýanyň, Rumyniýanyň, Eýran Yslam Respublikasynyň, Türkiýe Respublikasynyň, Belarus Respublikasynyň, Gazagystan Respublikasynyň, Ermenistan Respublikasynyň, Täjigistan Respublikasynyň, Azerbaýjan Respublikasynyň, Özbegistan Respublikasynyň ýokary okuw mekdepleriniň 23-sinden we ýurdumyzyň ýokary okuw mekdepleriniň 21-sinden 220-ä golaý talyp gatnaşdy. Buýsanç bilen belläp geçsek, ýokary okuw mekdepleriniň talyplarynyň arasynda geçirilen Himiýa dersi boýunça III Halkara olimpiadasynda Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 2-nji ýyl talyby Orazjemal Çaryýarowa bürünç medala mynasyp boldy. Biz hem öz gezegimizde talyp deň-duşumyzy gazanan halkara üstünligi bilen tüýs ýürekden gutlaýarys!
Kyýas AKMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
II ýyl talyby.