TALYP DEŇ-DUŞLARYMYZYŇ ÜSTÜNLIGI
Berkarar döwletiň täze eýýamynyň Galkynyşy döwründe ýaşlar syýasatyny üstünlikli durmuşa geçirmek, bilim ulgamyny sanlylaşdyrmagyň depginini artdyrmak maksady bilen, ýurdumyzda we daşary ýurtlarda geçirilýän sanly ulgam arkaly bäsleşiklere talyp ýaşlarymyz yzygiderli gatnaşýarlar. Bu babatda Türkmenistanyň Daşary işler ministrliginiň Halkara gatnaşyklary institutynyň talyp ýaşlarynyň gazanýan üstünlikleri hem aýratyn bellenilmäge mynasypdyr.
Ýakynda 2024-nji ýylyň 2-nji ýanwarynda Garaşsyz Döwletleriň Arkalaşygynyň (GDA) döwletleriniň gurnamagynda «Işjeň ylmy barlagçy: döwrebap bilim ulgamy, häzirki zaman üznüksiz bilimiň hilini ýokarlandyrmak» atly halkara ylmy-amaly maslahatyň dowamynda halkara ylmy-amaly bäsleşigi geçirildi. Bu bäsleşikde Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 3-nji ýyl talyby Kerim Serdarow üstünlikli çykyş edip «Işjeň ylmy barlagçy» diýen ada mynasyp boldy we minnetdarlyk haty, medal bilen sylaglandy. Şeýle hem, ylmy bäsleşige gatnaşanlara ylmy makalalaryň ýygyndylar toplumy berildi.
Biz ýaşlara şeýle halkara bäsleşiklere gatnaşmaga döredip berýän mümkinçilikleri üçin Gahryman Arkadagymyza, Arkadagly Gahryman Serdarymyza hoşallygymyz çäksizdir. Biz hem talyp deň-duşlarymyzy nobatdaky gazanan üstünlikleri bilen tüýs ýüregimizden gutlaýarys. Geljekde hem üstünlikleriňiziň höwri köp bolsun ýaş ykdysatçylar!
Aýgül HAÝYTOWA,
Türkmenistanyň Daşary işler ministrliginiň
Halkara gatnaşyklary inistitutynyň
Halkara ykdysady gatnaşyklary fakultetiniň III ýyl talyby.