SYLAGLARYŇYZ GUTLY BOLSUN!
Magtymguly adyndaky Türkmen döwlet uniwersiteti Türkmenistanyň Konstitusiýasynyň we Türkmenistanyň Döwlet baýdagynyň güni hem-de Türkmenistanyň Konstitusiýasynyň kabul edilmeginiň şanly 30 ýyllygy mynasybetli ýurdumyzyň ýokary okuw mekdepleriniň hukuk öwreniş hünärinden beýleki hünärlerde bilim alýan talyplarynyň arasynda “Türkmenistanyň Konstitusiýasy milli demokratiýanyň we raýat jemgyýetiniň binýadydyr” atly makala ýazmak boýunça bäsleşigini yglan edipdi.
Ýakynda bäsleşigiň jemleri jemlenip, institutymyzyň Halkara žurnalistikasy fakultetiniň II ýyl talyby Aýlar Atajykowa II derejeli diploma we gymmat bahaly sowgada eýe boldy. Şeýle hem şol fakultetiň IV ýyl talyby Sona Halykowa, III ýyl talyplary Tawus Akjaýewa, Gurbanjemal Egirjäýewa we Halkara gatnaşyklary fakultetiniň I ýyl talyby Döwletýar Arçamyradow dagy hormat hatlaryna mynasyp boldular. Biz hem ýeňijilerimize mundan beýläk hem uly üstünlikleri arzuw edýäris. Ýeňişleriňiziň yzy mundanam köp bolsun, talyp deň-duşlar!
Gülnar AKYLLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.