Sanly ulgam arkaly geçen onlaýn maslahaty
2023-nji ýylyň 9-njy martynda Türkmenistanyň Bilim ministri tarapyndan tassyklanan meýilnama esasynda Sanly bilim, Sanly ykdysadyýet we Kiberhowpsuzlyk boýunça ýurdumyzyň bilim edaralarynyň we daşary ýurtlaryň öňdebaryjy iş tejribelerini ýaýratmak maksady bilen, ýokary we orta hünär okuw mekdepleriniň IT ugruna degişli bolan mugallymlarynyň, işgärleriniň we jogapkär hünärmenleriniň gatnaşmagynda onlaýn maslahaty geçirildi.
Onlaýn maslahatynyň dowamynda Ýagşygeldi Kakaýew adyndaky Halkara nebit we gaz uniwersitetiniň mugallymy Maksat Çüriýew "Ýokary okuw mekdeplerinde IT üpjünçiligi" atly tema boýunça çykyş etdi. Maslahata gatnaşyjylar degişli tema boýunça sorag-jogap alyşdylar.
Onlaýn maslahatynyň esasy maksady ýurdumyzyň çäginde hereket edýän bilim edaralarynda ýaşlaryň sanly ulgamdan maksadalaýyk peýdalanmagy we ony dolandyrmaga ukyply ýaşlary terbiýeläp ýetişdirmek boýunça pikir alyşmakdan ybarat bolup durýandygyny ýene bir ýola belläp geçdiler.
Kerim ÝOWBAGŞYÝEW,
Türkmenistanyň Daşary işler ministrliginiň
Halkara gatnaşyklary institutynyň
Sanly diplomatiýa hünäriniň magistranty.