Onlaýn maslahat geçirildi
2026-njy ýylyň 18-nji martynda Türkmen döwlet bedenterbiýe we sport institutynda “Bedenterbiýe we sport ulgamynda sanly tehnologiýalaryň, maglumat howpsuzlygynyň we sanly dolandyryşyň döwrebap çözgütleri” atly onlaýn maslahat geçirildi. Oňa Türkmenistanyň Daşary işler ministrliginiň Halkara gatnaşyklary institutynyň Sanly ulgamlar we kommunikasiýa bölüminiň hünärmeni Kerim Ýowbagşyýew we Halkara ykdysady gatnaşyklary kafedrasynyň mugallymy Amanmyrat Myradow onlaýn görnüşinde gatnaşdylar.
Maslahatyň dowamynda Türkmen döwlet bedenterbiýe we sport institutynyň Sport tehnologiýalary we menejmenti kafedrasynyň uly mugallymy Jeren Gurbanowa Bedenterbiýe we sport ulgamynda sanly tehnologiýalaryny iş ýüzünde peýdalanmagyň ähmiýeti barada giňişleýin durup geçdi.
Maslahatyň ahyrynda gatnaşyjylar sanly tehnologiýalaryň ylym-bilim ulgamyndaky ähmiýeti barada pikir alyşdylar.
Kerim ÝOWBAGŞYÝEW,
Türkmenistanyň Daşary işler ministrliginiň
Halkara gatnaşyklary institutynyň
Sanly ulgamlar we kommunikasiýa
bölüminiň esasy hünärmeni.