SAGDYN DURMUŞ — SAGDYN ÝÖRELGE
2024-nji ýylyň 20-nji sentýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Saglygy goraýyş we derman senagaty ministrliginiň, şeýle-de institutyň ilkinji Zenanlar guramasynyň guramagynda talyp ýaşlaryň arasynda tertip-düzgün, milli ahlak ýörelgelerini ýaýbaňlandyrmak, zyýanly endikleriň adam saglygyna ýetirýän zyýanyny düşündirmek, ýaşlaryň saglygyny, işjeňligini we ömrüni uzaltmagyň netijeli ýollary, bedenterbiýäniň adam saglygyna ýetirýän täsiri, maşgalanyň sagdyn bolmagy, arassaçylyk kadalaryny berjaý etmeklik we ýaşlaryň bu meseleler barada düşünjesini ýokarlandyrmak maksady bilen, «Sagdyn durmuş —sagdyn ýörelge» ady bilen wagyz-nesihat duşuşygy geçirildi.
Duşuşygyň dowamynda Türkmenistanyň Saglygy goraýyş we Derman senagaty ministrliginiň Ýokanç keselleri merkezleri müdiriýetiniň Milli AIDS-iň öňüni alyş merkeziniň, Aşgabat şäher neşekeşligiň we arakhorlugyň, ruhy keselleriň öňüni alyş gullugynyň lukmanlary çykyş etdiler. Olar öz gezeginde ýurdumyzda ösüp gelýän ýaş nesliň zyýanly endiklerden daşda durmalydygy, saglygyň maşgaladan başlanýandygy, maşgala saglygyny ýurduň saglygyna deňelýändigi, sagdyn jemgyýeti kemala getirmegiň ähmiýeti dogrusynda gürrüň etdiler.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy,
institutyň ilkinji Zenanlar guramasynyň başlygy.