OKUW SAPAGY GEÇIRILDI
2024-nji ýylyň 22-nji oktýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «Ýapyk aýlanyşykly ykdysadyýet» atly okuw sapagy geçirildi. Bu okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy Mährijemal Mämedowa alyp bardy. Okuw sapagynyň dowamynda milli ykdysadyýetimizi diwersifikasiýa ýoly bilen ösdürmegiň çäklerinde daşary ýurtlardan getirilýän önümleriň ornuny tutýan harytlaryň önümçiligini artdyrmak, ýurdumyzyň eksport harytlarynyň möçberini köpeltmek, elektron senagaty döretmek boýunça gürrüň edildi. Şeýle-de talyplar özlerini gyzyklandyrýan soraglaryna jogap tapdylar hem-de ykdysady diplomatiýa baradaky bilimlerini artdyrdylar.
Jemşit ATAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.