Nobatdaky ýaşlar maslahatynyň ähmiýeti
2023-nji ýylyň 4-5-nji apreli aralygynda Birleşen Milletler Guramasynyň Türkmenistandaky wekilhanasynyň guramagynda “Arkadag Serdarly bagtyýar ýaşlar” ýylyna bagyşlap ýaşlar maslahaty geçirildi. Maslahata Durnukly Ösüş Maksatlarynyň Ýaş ilçileri we ýokary okuw mekdepleriniň talyplary gatnaşdylar. Maslahatyň dowamynda oňa gatnaşyjylar Durnukly Ösüşiň Maksatlaryna ýetmekde ýaşlaryň orny barada çykyş etdiler. Maslahat bilelikde ýadygärlik surata düşmek dabarasy bilen jemlendi.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby,
Durnukly Ösüş Maksatlarynyň Ýaş ilçisi.