08/07/2024
2182
NETIJELILIGIŇ ESASY GÖRKEZIJILIGI BOÝUNÇA ONLAÝN OKUW SEMINARY
2024-nji ýylyň 8-nji iýulynda Türkmenistanyň Bilim ministrligi tarapyndan tassyklanan meýilnama esasynda, Türkmen döwlet ykdysadyýet we dolandyryş institutynyň guramagynda KPI (key performance indicator – netijeliligiň esasy görkezijiligi) boýunça onlaýn okuw seminary geçirildi. Onlaýn okuw seminara ýokary we orta hünär okuw mekdepleriniň ýolbaşçylary, mugallymlary we talyplary gatnaşdylar.
Bu onlaýn maslahatynda ýokary we orta hünär okuw mekdepleriniň mugallymlary we talyplary KPI – netijeliligiň esasy görkezijisine esaslanan dolandyryş modelini emele getirmek maksady bilen, dolandyryş işlerinde döwrebap programma üpjünçiligini peýdalanmak boýunça tejribeleri paýlaşdylar.
Netijeliligiň esasy görkezijisi bolan KPI islendik edaranyň işjeňlik derejesini ölçemek we yzarlamak üçin ulanylýan esasy ölçeglerdir. KPI-ler edaranyň maksatlaryna ýetmekde näderejede üstünlik gazanýandygyny görkezýän kesgitli ölçegler bolup, olar ýönekeý maglumatlar däl-de, belli bir maksatlara, strategiýalara we iş meýilnamalaryna baglylykda kesgitlenilýär.
Onlaýn seminaryň dowamynda oňa gatnaşyjylar KPI barada giňişleýin maglumat almak bilen, dolandyryş işinde ony netijeli peýdalanmaklygyň ýollaryny öwrendiler, sorag-jogap alyşdylar.
Mähriban HUDAÝGULYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň IV ýyl talyby.
Soňky täzelikler
![MASLAHAT GEÇIRILDI surady](https://iirmfa.edu.tm/images/posts/IMG_20240708_164603_545_1720524234.webp)
09/07/2024
MASLAHAT GEÇIRILDI![Gandbol ýaryşy geçirildi surady](https://iirmfa.edu.tm/images/posts/1_1718461191.webp)
14/06/2024
Gandbol ýaryşy geçirildi