NEŞE SERIŞDELERINIŇ BIKANUN DOLANŞYGYNA GARŞY GÖREŞMEGIŇ HALKARA GÜNI
1987-nji ýylda, Birleşen milletler Guramasynyň Baş Assambleýasynda, Neşe serişdeleriniň bikanun dolanşygyny aradan aýyrmak we dünýä jemgyýetinde neşekeşligi ýok etmekde hyzmatdaşlygy berkitmek maksady bilen iýun aýynyň 26-sy “Neşe serişdeleriniň bikanun dolanşygyna garşy göreşmegiň halkara güni” diýlip kabul edildi. Sagdyn jemgyýeti kemala getirmegiň wagyzçysy bolup durýan bu sene dünýäniň birnäçe ýurtlary, Halkara guramalary tarapyndan gyzgyn garşylanyldy.
Neşe serişdeleriniň bikanun dolanşygyna garşy göreşmegiň halkara güni, şeýle serişdeleriň ynsan saglyna ýetirýän zyýanyny düşündirýän maglumatlary ýaýratmagyň, sagdyn durmuş ýörelgesini wagyz etmegiň günüdir.
Durnukly ösüşi hem-de sagdyn dünýä jemgyýetini gazanmagy wagyz edip, BMG-niň Neşeler we jenaýatçylyk baradaky müdirligi birnäçe ýyl bäri neşe serişdeleriniň ulanylmagyna we ýaýradylmagyna garşy işjeň göreş alyp barýar.
Rahym ŞAMEÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.