Mikro, kiçi we orta kärhanalar güni
2017-nji ýylyň 27-nji iýunyndan bäri BMG-niň Baş Assambleýasynyň 71/279 belgili Karary bilen täze baýramçylyk - Mikro, kiçi we orta kärhanalar güni bellenilýär.
Mikro, kiçi we orta kärhanalar güni ösýän ýurtlarda kiçi we orta kärhanalaryň ösüşini goldamagyň möhümdigi baradaky habardarlygy ýokarlandyrmak maksady bilen bellenilýär. Şol bir wagtyň özünde bu gün kiçi kompaniýalaryň dünýä ykdysadyýetine goşýan ägirt uly goşandynyň hem baýramçylygydyr.
Birleşen Milletler Guramasynyň mikro, kiçi we orta kärhanalaryň halkara derejesinde ýaýramagyny goldaýan guramasy hökmünde Halkara Söwda Merkezi bu güni bütin dünýäde giňden bellemek üçin köp işleri alyp barýar.
Mähriban HUDAÝGULYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.