MASLAHAT GEÇIRILDI
2024-nji ýylyň 8-nji iýulynda ýurdumyzyň Jemgyýetçilik guramalarynyň merkeziniň mejlisler jaýynda «Magtymguly Pyragynyň arzuwlan berkarar döwletinde Gahryman Arkadagymyzyň nusgalyk halkara ösüş taglymaty, Arkadagly Gahryman Serdarymyzyň baştutanlygynda Bitaraplyk ýoly bilen beýik geljege tarap» atly maslahat geçirildi. Bu maslahata Türkmenistanyň Halk Maslahatynyň, Mejlisiniň we jemgyýetçilik guramalarynyň, bilim, ylym we medeniýet ulgamlarynyň, köpçülikleýin habar beriş serişdeleriniň wekilleri, il sylagly ýaşulular hem-de talyp ýaşlar gatnaşdylar.
Bu maslahatda Türkmenistan bilen BMG-niň arasyndaky strategik hyzmatdaşlyk, Türkmenistan bilen Gazagystanyň dostluk-doganlyk gatnaşyklary, Türkmenistanyň Gazagystandaky Medeniýet günleriniň üstünlikli geçirilmegi hem-de Astana şäherinde görnükli türkmen akyldary we şahyry Magtymguly Pyragynyň ýadygärliginiň açylmagy barada çykyş etdiler.
«Pähim-paýhas ummany Magtymguly Pyragy» ýylynda geçirilen bu dabaraly çäre uly many-mazmuna eýe boldy.
Şahnoza ÇARYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.