“Magtymguly Pyragynyň paýhas ummany” atly ylmy-seminar we bäsleşik geçirildi
2024-nji ýylyň 19-njy martynda Türkmenistanyň Daşary işler ministrliginiň Halkara gatnaşyklary institutynda Jemgyýeti öwreniş ylymlary kafedrasynyň «Paýhas we parasat» ylmy gurnagy bilen Žurnalistikanyň nazaryýeti we amalyýeti kafedrasynyň “Ýaş žurnalistler” ylmy-döredijilik gurnagynyň bilelikde gurnamagynda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli “Magtymguly Pyragynyň paýhas ummany” atly talyp ýaşlaryň arasynda Magtymguly Pyragynyň şygyrlaryny ýatdan, labyzly aýtmak bäsleşigi we ylmy-seminary geçirildi. Bäsleşige institutyň fakultetlerinden gurnaklaryň işjeň agzalary gatnaşdylar. Ylmy-seminaryň dowamynda Halkara žurnalistikasy fakultetiniň 3-nji ýyl talyby Gurbansähet Gurbansähedow akyldaryň 50-den gowrak şygyrlaryny ýatdan aýtmak bilen, ondaky duş gelýän käbir sözleriň manysyny ylmy esasda düşündirdi.
Çekeleşikli geçen bäsleşigiň jemleri boýunça Halkara žurnalistikasy fakultetiniň 2-nji ýyl talyby Aýnur Hudaýbergenowa 40-a golaý goşgyny ýatdan aýdyp, 1-nji orna, Halkara žurnalistikasy fakultetiniň 1-nji ýyl talyby Merjen Orazowa 2-nji orna, Halkara žurnalistikasy fakultetiniň 1-nji ýyl talyby Yhlas Hallyýew 3-nji orna mynasyp boldular.
Suraý AKMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Jemgyýeti öwreniş ylymlary kafedrasynyň mugallymy.