«Magtymguly Pyragy dostlugyň we parahatçylygyň ruhlandyryjysy» atly halkara onlaýn maslahaty geçirildi
2023-nji ýylyň 20-nji dekabrynda Türkmenistanyň Magtymguly adyndaky Ýaşlar guramasynyň Merkezi Geňeşiniň gurnamagynda Türkmenistanyň Daşary işler ministrliginiň Halkara gatnaşyklary institutynda Merkezi Aziýanyň ýokary okuw jaýlarynyň mugallymlarynyň we talyplarynyň gatnaşmagynda «Magtymguly Pyragy dostlugyň we parahatçylygyň ruhlandyryjysy» atly halkara onlaýn maslahaty geçirildi. Geçirilen onlaýn maslahata Magtymguly adyndaky Ýaşlar guramasynyň Merkezi Geňeşiniň wekili, Halkara gatnaşyklary institutynyň, Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň, Döwletmämmet Azady adyndaky Türkmen milli dünýä dilleri institutynyň şeýle hem, Merkezi Aziýanyň ýokary okuw mekdepleriniň, diplomatik akademiýalarynyň mugallymlary we talyplary wideoaragatnaşyk arkaly gatnaşdylar. Maslahatda çykyş edenleriň ählisi Magtymguly Pyragynyň şygyrlarynyň halklaryň arasynda dostlugy, parahatçylygy, durnukly ösüşi üpjün etmekdäki ynsanperwer garaýyşlaryny beýan etmek bilen beýik şahyryň hormatyny dabaralandyrýan Gahryman Arkadagymyza we Arkadagly Gahryman Serdarymyza buýsançly sözlerini aýtdylar.
Döwletmyrat ARAZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.
Bu barada şu ýerde hem okap bilersiňiz: