“Logistikanyň esaslary” atly maslahat geçirildi
2022-nji ýylyň 21-nji aprelinde Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň gurnamagynda ulag diplomatiýasy boýunça okuw maslahaty geçirildi. Maslahata Türkmenistanyň Inžener-tehniki we ulag kommunikasiýalar institutynyň professor-mugallymlary we talyp ýaşlary gatnaşdylar. Bu maslahat «Logistikanyň esaslary» atly tema boýunça geçirildi. «Türkmen Logistika» Assosiasiýasynyň başlygynyň orunbasary Sähra Amanowa, Tehniki ylymlarynyň kandidaty, dosent halypa mugallym Öwezmyrat Bäşimow logistikanyň guralyşyny üpjün etmegiň netijesinde önümçilik çig malyny getirmek, öndürilen önümleri saklamak, daşamak we söwdasyny guramaklygyň ähmiýeti barada çykyş etdiler. Sapagyň dowamynda talyp ýaşlar tema degişli özlerini gyzyklandyrýan soraglaryny berdiler.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara
ykdysady gatnaşyklary kafedrasynyň
uly mugallymy.