«Let’s Save the World!» atly prezentasiýa bäsleşigi geçirildi
2025-nji ýylyň 17-nji martynda Türkmenistanyň Daşary işler ministrliginiň Halkara gatnaşyklary institutynyň Dünýä dilleri kafedrasynyň EcoClub gurnagynyň guramagynda «Let’s Save the World!» atly prezentasiýa bäsleşigi geçirildi. Bäsleşige “EcoClub” gurnagynyň işjeň agzalary gatnaşdylar.
Çäräniň dowamynda Halkara žurnalistika fakultetiniň talyplary taýýarlan prezentasiýalary bilen çykyş etdiler. Olar öz çykyşlarynda häzirki wagtda adamzadyň durmuşynda ekologiýanyň orny, Türkmenistanyň daşarky gurşawa ýaramaz täsir edýän faktorlaryň öňüni almak we daşky gurşawyň abadançylygyny üpjün etmek üçin alyp barýan giň gerimli işleri barada gürrüň berdiler. Şeýle-de bäsleşige gatnaşan talyplara Türkmenistanyň ekologiýa diplomatiýasy, Türkmenistanyň ekologiýany ösdürmek we daşky gurşawy goramak syýasaty bilen baglanyşykly soraglar berildi.
Bäsleşigiň netijelerine görä, institutyň Halkara žurnalistika fakultetiniň 2-nji ýyl talyby, EkoClub gurnagynyň işjeň agzasy Suraý Nazarowa I orna, şol fakultetiň 1-nji ýyl talyby, EkoClub gurnagynyň işjeň agzasy Jemile Hojammaýewa II orna, şol fakultetiň 3-nji ýyl talyby Begnazar Begnazarow III orna mynasyp boldular.
Mered MEREDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby,
EkoClub gurnagynyň işjeň agzasy.