“Kitap okan gullar magnydan dokdur” atly kitap okamak bäsleşigi
Türkmenistanyň Daşary işler ministrliginiň Halkara gatnaşyklary institutynyň talyplarynyň arasynda yglan edilen “Kitap okan gullar magnydan dokdur” atly kitap okamak bäsleşiginiň
DÜZGÜNNAMASY
Türkmenistanyň Prezidentimiziň, Gahryman Arkadagymyzyň ýurdumyzda giň dünýägaraýyşly, hemmetaraplaýyn kämil şahsyýetleri terbiýeläp ýetişdirmek baradaky yzygiderli berýän tabşyryklaryny ýerine ýetirmek hem-de talyp ýaşlarda kitap okamaga bolan höwesi artdyrmak maksady bilen, Türkmenistanyň Daşary işler ministrliginiň Halkara gatnaşyklary instituty Magtymguly Pyragynyň 300 ýyllygyna bagyşlap, bu ýokary okuw mekdebiniň talyplarynyň arasynda “Kitap okan gullar magnydan dokdur” atly kitap okamak bäsleşigini yglan edýär.
I. Umumy düzgünler
Bäsleşigiň maksady Garaşsyz, hemişelik Bitarap Türkmenistanda ýaş nesliň ylymly-bilimli, giň dünýägaraýyşly bolup ýetişmegini gazanmakdan we talyp ýaşlary milli ruhda terbiýelenmekden, geljekki halkaraçy hünärmenleriň öz ene dillerinde okamak we ýazmak endiklerini kämilleşdirmekden ybarat.
II. Bäsleşigiň şertleri
“Kitap okan gullar magnydan dokdur” atly döredijilik bäsleşigine Türkmenistanyň Daşary işler ministrliginiň Halkara gatnaşyklary institutynyň ähli talyplary öz isleglerine görä gatnaşyp bilerler. Gatnaşyjylar bellenilen günde okamak üçin saýlanyp alnan eserlerden düzülen test soraglaryna we ýazmaça sowallara jogap bererler.
Bäsleşigiň jemini jemlemek
Bäsleşige gatnaşyjylaryň test soraglaryna we ýazmaça sowallara beren jogaplaryny seljermek üçin üçin guramaçylar tarapyndan ýörite eminler topary düzüler. Eminler tarapyndan test soraglaryna berlen jogaplaryň takyklygy we ýazmaça sowallara berlen jogaplaryň dolulygy seljeriler. Bäsleşigiň ýeňijileri eminler toparynyň gelen netijesi boýunça kesgitlener.
Bäsleşikde okamak üçin hödürlenilýän eserler:
a) Magtymguly Pyragynyň 2014-nji ýylda neşir edilen goşgular ýygyndysyndan şu aşakdaky goşgular:
1. «Ýeldim tut»;
2. «Gördüňmi?»;
3. «Joş bolmasyn»;
4. «Ýüz bolar»;
5. «Aty gerek»;
6. «Är ýanynda bellidir»;
7. «Döwleti-maly bolmasa»;
8. «Mert bolmaz»;
9. «Aýrylma»;
10. «Göze myhmandyr»;
11. «Mala seretmez»;
12. «Ýagşysyn»;
13. «Läle getirmiş»;
14. «Sir gider»;
15. «Ar bile».
b) Atajan Taganyň «Keseki» romany («Serwi» gelin kitabynyň içinde ýerleşdirilen eser).
c) Gurbannazar Orazgulyýewiň «Heňňam hekaýatlary» ýygyndysy.
III. Bäsleşigi guramagyň we geçirmegiň tertibi
Bäsleşige bu ýokary okuw mekdebinde dürli ugurlarda, hünärlerde okaýan talyplar gatnaşyp biler.
Her bir gatnaşýan talyp basleshik.hgi@gmail.com elektron salgy arkaly hasaba alynmalydyr. Bäsleşige gatnaşyjylary hasaba almak 2023-nji ýylyň 12-nji iýunyndan 5-nji iýuly aralygynda dowam eder.
Bäsleşigiň jemleýji gününde talyplara Magtymguly Pyragynyň goşgulary boýunça 20 sany sorag (13 sany test, 7 sany ýazmaça), Atajan Taganyň «Keseki» romany boýunça 20 sany sorag (14 sany test we 6 sany ýazmaça) hem-de Gurbannazar Orazgulyýewiň «Heňňam hekaýatlary» ýygyndysy boýunça 20 sany sorag (13 sany test we 7 sany ýazmaça) hödürleniler. Gatnaşyjy test soraglaryň her bir dogry jogaby üçin 1 utuk, ýazmaça sowallara beren her bir dogry jogaby üçin bolsa 3 utuk gazanar. Ýeňiji utuklaryň sany boýunça kesgitleniler
Eminler topary bäsleşige gatnaşýan talyplaryň işlerini bahalandyrýar we netijelerini jemleýär.
Bäsleşigiň ýeňijileri Türkmenistanyň Daşary işler ministrliginiň Halkara gatnaşyklary institutynyň Hormat haty bilen sylaglanylarlar hem-de «Gujurly nesil» bilim merkezinde üç aýyň dowamynda dil öwrenmek üçin degişli arzanladyşlara (1-nji orun 100% arzanladyş, 2-nji orun 65% arzanladyş, 3-nji orun 35% arzanladyş) eýe bolarlar.
Tel: +993 12 226852,
Şeýle hem bu barada şu ýerden hem okap bilersiňiz: