INSTITUTYMYZYŇ ÝAŞ TÜRGENINIŇ ÜSTÜNLIKLERI
2024-nji ýylyň 27-29-njy apreli aralygynda Özbegistan Respublikasynyň Ürgenç şäherinde «Uzbekistan Open 2024» karate-do boýunça sport ýaryşy geçirildi. Oňa beýleki döwletler bilen bir hatarda ýurdumyzyň milli ýygyndy topary hem gatnaşdy.
Bu ýaryşda sportuň karate-do görnüşi boýunça Türkmenistanyň milli ýygyndy toparynyň türgeni, Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 1-nji ýyl talyby Rasul Atajanow hem üstünlikli çykyş etdi. Rasul Atajanow 21 ýaşa çenli türgenleriň arasynda 55 kilogram agram derejesinde çykyş edip, II orna mynasyp boldy we kümüş medal gazandy.
Şeýle hem, 2024-nji ýylyň 1-6-njy maýy aralygynda Özbegistan Respublikasynyň Samarkant şäherinde «9th Central Asian Karate Championships» sport ýaryşynda III orna mynasyp bolup, bürünç medal gazandy.
Ýaş talyp deň-duşumyzy sport ulgamynda gazanan ýeňişleri bilen tüýs ýürekden gutlap, oňa geljekde okuwlarynda we sport äleminde uly üstünlikleriň ýar bolmagyny tüýs ýürekden arzuw edýäris.
Aýlar RUSLANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.