HÜNÄR BAÝRAMÇYLYGYŇ ŞOWHUNYNY ARTDYRAN DABARA
Mälim bolşy ýaly, Gahryman Arkadagymyzyň kabul eden ýörite Karary esasynda her ýylyň 18-nji fewralynda Türkmenistanyň diplomatik işgärleriniň güni mynasybetli geçirilýän çäreleriň gerimi barha giňeýär. Hünär baýramçylygyň şowhunyny artdyran dabaraly çäreleriň biri-de, 2024-nji ýylyň 14-nji fewralynda Türkmenistanyň diplomatik işgärleriniň güni mynasybetli Türkmenistanyň Daşary işler ministrliginiň Halkara gatnaşyklary institutynda zähmet çekýän işgärleriň Türkmenistanyň Demokratik partiýasynyň Aşgabat şäheriniň komiteti tarapyndan sowgatlaryň gowşurylmagy bilen utgaşdy.
Türkmen diplomatiýasynyň milli mekdebi bolan Türkmenistanyň Daşary işler ministrliginiň Halkara gatnaşyklary instituty Türkmenistanyň Demokratik partiýasynyň Aşgabat şäher komiteti bilen ýakyndan hyzmatdaşlyk alyp barýar. Institutymyzda zähmet çekýän professor-mugallymlar, dürli hünärler boýunça bilim alýan talyp ýaşlar ýurdumyzyň parahatçylyk ýörelgelerine esaslanýan daşary syýasatyny wagyz etmekde, Gahryman Arkadagymyzyň, Arkadagly Gahryman Serdarymyzyň öňe sürýän halkara başlangyçlaryny halk köpçüligine ýetirmekde özleriniň mynasyp goşantlaryny goşýarlar. Şowhuna beslenen sowgat gowşurylyş dabarasy Gahryman Arkadagymyzyň, Arkadagly Gahryman Serdarymyzyň adyna aýdylan alkyş sözleri bilen jemlendi.
Sanjar GAÝYPOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.