Halkara tropiki gün
Geljek tropiki ýerlere baglydyr
Tropiki tokaýlarynyň durmuşymyzdaky ähmiýeti barada düşünjäni ýokarlandyrmak üçin Halkara tropiki güni her ýylyň 29-njy iýunynda bellenilýär. Tropiki tokaýlaryny goramaga we oňa bolan düşünjäni ýokarlandyrmaga we köpçüligiň arasynda olary goramakda dürli çäreleri geçirmäge niýetlenen bu baýramçylyk dünýäniň dürli künjeklerinde bellenilip geçilýär. BMG-niň Baş Assambleýasy tarapyndan tropiki sebitleriň ýüzbe-ýüz bolýan aýratyn kynçylyklary we dünýäniň bu sebitine täsir edýän päsgelçilikler barada ähli derejelerde habarlylygy ýokarlandyrmak üçin Halkara tropiki gün döredildi. Mundan başga-da, tropiki ýurtlaryň Durnukly ösüş maksatlaryna ýetmekde bu gün möhüm rol oýnaýar.
Planetamyzyň sagdyn bolmagy üçin tropiki ýerleriň möhüm orny bar. Olar howadaky kömürturşy gazyny saklaýan we siňdirýän we dünýädäki kislorodyň 20%-den gowragyny aýlaýan uglerod çeşmesidir. Ähli haýwan we ösümlik görnüşleriniň ýarysyndan gowragy tropiki tokaýlarynda duş gelýär.
Tropikler sebitde dünýäniň ähli meýdanynyň 40%-ini tutýar. Tropiki ýurtlar ep-esli ösüş gazanan hem bolsa, durnukly ösüş üçin dürli kynçylyklar bilen ýüzbe-ýüz bolmaly bolýarlar.
Umuman, bu halkara baýramçylygyň tutuş dünýä ýüzünde adamlary tebigaty goramaga, ösümlik dünýäsini baýlaşdyrmagda we öwrenmäge çekmekde diýseň uly ähmiýeti bardyr.
Merjen JUMAGYLYJOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.