GÖÇME SERGI GEÇIRILDI
2024-nji ýylyň 26-njy aprelinde Türkmenistanyň Daşary işler ministrliginiň Halkara gatnaşyklary institutynda Magtymguly Pyragynyň doglan gününiň 300 ýyllygy mynasybetli Türkmenistanyň Şekillendiriş sungaty muzeýiniň göçme sergisi guraldy.
Göçme sergide görkezilen eserlerde türkmen halkynyň gadymy taryhy we milli aýratynlyklarynyň çeper suratlandyrylmagy ýaş nesillerde watançylyk duýgusynyň kämilleşmegine ýardam berdi. Milli diplomatiýanyň ýokary mekdebinde şeýle sergileriň geçirilmegi geljekki halkaraçy hünärmenleriň sungat sowatlylygynyň kämilleşmegine, şekillendiriş sungatyna bolan höwesleriniň artmagyna uly goşant goşdy. Watanymyzyň baýdak göterijileri bolan ýaşlar okamaga, döretmäge, zähmet çekmäge giň mümkinçilikleri döredip berýän Hormatly Prezidentimize, Arkadagly Gahryman Serdarymyza alkyşlaryny beýan etdiler.
Agaberdi ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.