Garaşsyzlyk ýurduň goşa ganaty
«Garaşsyzlyk, Bitaraplyk - ösüşiň goşa ganaty» atly
çeper-publisistik makalalar bäsleşigine
Berkarar döwletimiziň bagtyýarlyk döwründe güneşli ýurdumyzy nur bolup çoýýan Garaşsyzlygymyz bu gün bütin dünýä ýaň salýar. Hormatly Prezidentimiz Gurbanguly Berdimuhamedowyň alyp barýan öňdengörijilikli daşary we içeri syýasaty dünýä jemgyýetçiliginde uly orun tapýar.
Daşary döwletler bilen dost-doganlyk gatnaşyklarynyň, özara hyzmatdaşlygyň barha ösüp, beýgelýän döwründe Garaşsyz baky Bitarap Türkmenistan döwletimiz bütin dünýäniň öňünde uly at-abraýa eýe bolýar. 1991-nji ýylyň oktýabr aýynyň 27-si türkmen halkynyň taryhyna Garşsyzlygy altyn harplar bilen ýazyldy. Şol gün halkymyz asyrlar boýy garaşsyz döwlet gurmak baradaky edip gelen arzuwynyň, umytlarynyň, päk oý-pikirleriniň hasyl bolandygyny bütin dünýä jar etdi.
Garaşsyz baky Bitarap ýurdumyzyň asudalygyny, halkymyzyň bagtyýarlygynyň waspyny ýetiren ýazyjy, şahyrlar gaty köp. Şu ýerde Kakamyrat Rejepowyň "Asuda il" goşgysyny getirmek isleýärin:
Gün dogar -
Gül ömrüň täze bir güni...
Ýene ýola alyp çykar ädimler...
Essalawmaleýkim!
Ertirler haýyr!
Eý, natanyş ýüzler, tanyş adamlar...
Garaşsylyk diýmek, özygtyýarly, özbaşdak, erkana hem bagtly ýaşaýyş diýmekdir. Bu bolsa türkmen halkynyň dünýä halklary bilen ylalaşykly ýaşamaklygynyň tarapdarydygyny göz öňünde goýýar. Mundan başgada Hormatly Prezidentimiziň eziz halky üçin etýän uly aladalary bagtyýar durmuşyň, aýdyň ýaşaýşyň kepilidir.
Bagtyýar halkymyz " Türkmenistan parahatçylygyň we ynanyşmagyň Watany " ýylynda şanly Garaşsyzlygymyzyň 30 ýyllygyny uly toý, uly dabara bilen garşy alýar. Şanly Garaşsyzlyk türkmen halkyna asudalyk, parahatçylyk, agzybirlik hem-de uly öňdegidişlikleri peşgeş berdi. Geçmişde ençe asyrlap özüniň merkezleşen döwleti bolmadyk türkmen halky indi Garaşsyzlyga, baky Bitaraplyga uly ädim ätýär. Bularyň sakasynda bolsa bizi aýdyň geljege, bagtyýar durmuşa atarýan, mähriban Watanymyzy beýik sepgitlere ýetirýän gahryman Arkadagymyz bar. Her bir güni toýdyr baýrama beslenýän ýeňişlerden-ýeňişlere barýan ýurdymyzy Şanly Garaşsyzlygymyzyň 30 ýyllyk toýuny tüýs ýürekden gyzgyn gutlaýarys! Hormatly Prezidentimiziň janynyň sag bolmagyny, başynyň dik bolmagyny, tutýan tutumlarynyň has-da rowaç almagyny talyp ýüregimden arzuw edýärin!
Oguljeren ÝALKAPOWA,
Türkmenistanyň Telekommunikasiýalar
we
informatika institutynyň
2-nji ýyl talyby.