Eýranyň “Saderat” banky türkmen telekeçileri bilen hyzmatdaşlyk alyp barar
Eýran Yslam Respublikasynyň Aşgabat şäherindäki Senagat we söwda sergi toplumynda şu ýylyň 17-nji iýunynda Maşad şäherinde türkmen-eýran sergisine bagyşlanan tanyşdyrylyş dabarasy geçirildi. Dabara Eýranyň Türkmenistandaky Adatdan daşary we Doly ygtyýarly ilçisi Golam Abbas Arbab Hales, Eýranyň we Türkmenistanyň işewür toparlary hem-de habar beriş serişdeleriniň wekilleri gatnaşdylar.
Çäräniň dowamynda çykyş eden bankyň Türkmenistandaky wekiliniň aýtmagyna görä, “Saderat” banky 30 ýyldan bäri Türkmenistanda işini ýöretmek bilen, hususy telekeçilere töleg üçin kepillik hatlaryny berip gelýär. Bu kepillik haty müşderä haryt, iş ýa-da hyzmatlar üçin töleg möhletini bozmazdan yza süýşürmäge mümkinçilik berýän resminama bolup durýar. Şeýle-de Eýranyň “Saderat” bankynyň Türkmenistandaky şahamçasy ýakyn wagtda türkmen telekeçilerine akreditiw berjekdigi barada mälim etdi.
Akreditiw – nagt däl tölegiň bir görnüşi bolup, onda tölegler alyjy tarapyndan satyja gönümel däl-de, bankyň araçyllygy arkaly geçirilýär. Töleg resminamasy telekeçilere maliýe goldawyny almaga we işlerini giňeltmäge mümkinçilik berýär. Bankyň alyp barýan işi ýurtlaryň arasyndaky söwda we maýa goýumlarynyň ösmegine goşant goşýar.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
II ýyl talyby.