«Ekologiýa üçin 500 söz» atly REFERAT BÄSLEŞIGI
Türkmenistanyň Daşary işler ministrliginiň Halkara gatnaşyklary institutynyň Türkmenistanyň diplomatiýasynyň möhüm ugurlary boýunça okuw merkeziniň «Suw diplomatiýasy» ugrunyň we «Ýaş hukukçylar» ylmy gurnagynyň gurnamagynda BMG-niň Howanyň üýtgemegi boýunça Çarçuwaly konwensiýasyna gatnaşyjy taraplaryň 28-nji maslahatynyň netijelerine bagyşlap geçiriljek
«Ekologiýa üçin 500 söz» atly
REFERAT BÄSLEŞIGINIŇ DÜZGÜNNAMASY
BMG-niň Howanyň üýtgemegi boýunça Çarçuwaly konwensiýasyna gatnaşyjy taraplaryň 28-nji maslahatynyň netijelerine bagyşlanyp, Türkmenistanyň Daşary işler ministrliginiň Halkara gatnaşyklary institutynyň ähli hünärleriniň talyp ýaşlarynyň arasynda «Ekologiýa üçin 500 söz» atly referat bäsleşigi yglan edilýär.
*Bäsleşigiň esasy maksady: Howanyň üýtgemegi boýunça Çarçuwaly konwensiýasynyň kabul edilmeginiň we howanyň üýtgemegine garşy göreşmegiň ähmiýetini talyp ýaşlaryň arasynda wagyz etmek.
*Bu bäsleşige Halkara gatnaşyklary we diplomatiýa, Halkara hukugy, Halkara ykdysady gatnaşyklary we Halkara žurnalistikasy fakultetleriniň talyplary gatnaşmaly.
*Bäsleşige gatnaşyjy talyplar 2024-nji ýylyň 28-nji fewralyna çenli 500 sözden geçmeýän referatlaryny we prezentasiýalaryny Halkara hukugy we deňeşdirme hukuk öwreniş kafedrasyna tabşyrmaly.
*Referatlaryň mazmuny we tehniki talaplary Halkara hukugy we deňeşdirme hukuk öwreniş kafedrasynyň mugallymlary tarapyndan barlanar.
*Referatlar türkmen, rus we iňlis dillerinde ýazylyp bilner.
*Bäsleşige gatnaşýan talyp referaty özbaşdak ýazmaly. Referat göçürilen bolmaly däldir we işler awtoryň özi tarapyndan tabşyrylmaly.
*Referatlara bildirilýän talaplar:
-Referatyň göwrümi A4 (210х297) formatda 500 sözden geçmeli däl;
-Referat Times New Roman şrifti bilen, 14 ölçegli ýazylmaly, setiriň arasy 1,5 – lik ölçegde bolmaly;
-Referatyň sahypa ölçegi: ýokary we aşak taraplarda-2,0 sm, çep tarapda-2,5 sm, sag tarapda-1,5 sm.;
-Referatyň ahyrynda peýdalanylan edebiýatlar görkezilmelidir.
*Bäsleşigiň netijeleri emin agzalarynyň beren sesleriniň jemi esasynda jemlenýär.
*Bäsleşigiň netijelerine görä, üstünlik gazanan talyplar Hormat hatlary we ýadygärlik sowgatlary bilen sylaglanarlar.
*Bäsleşikde ýeňiş gazanan talybyň referaty institutymyzyň saýtynda (iirmfa.edu.tm) ýerleşdiriler.
*Bäsleşigiň geçişi baradaky ähli maglumatlar institutyň portalynda ýerleşdiriler.
*Bäsleşigiň jemleri 2024-nji ýylyň 11-nji martynda jemlener.