DERS OLIMPIADANYŇ I TAPGYRY GEÇIRILDI
2025-nji ýylyň 1-nji aprelinde Türkmenistanyň Daşary işler ministrliginiň
Halkara gatnaşyklary institutynda Türkmenistanyň Magtymguly adyndaky Ýaşlar
guramasynyň Merkezi geňeşi bilen bilelikde guramagynda “Watanyň daýanjy –
bilimli ýaşlar, Arkadagly Gahryman Serdaryň guwanjy ýaşlar!” atly olimpiadanyň
I tapgyry geçirildi.
Olimpiada Birleşen Milletler Guramasynyň Baş Assambleýasynyň bilimiň
ählumumy parahatçylygy we ählumumy durnukly ösüşi gazanmakdaky möhüm
ornuny dabarlandyrmak üçin 2018-nji ýylyň 3-nji dekabryndaky Kararnamasy
bilen yglan edilen Halkara bilim gününe bagyşlanyldy.
Ders olimpiadasynyň I tapgyryna ýurdumyzyň ähli welaýatlaryndan we
Aşgabat, Arkadag şäherlerinden jemi 600-den gowrak okuwçy gatnaşdy.
Olimpiadanyň I tapgyrynyň netijesi ýakyn wagtda institutyň internet sahypasynda
ýerleşdiriler we ondan üstünlikli geçen gatnaşyjylar olimpiadanyň II tapgyryna
gatnaşmaga hukuk gazanarlar.
Şeýle ders olimpiadalaryň yzygiderli geçirilmegi ýurdumyzda bilim
ulgamynyň ählitaraplaýyn yzygiderli ösdürilýändiginiň aýdyň nyşanydyr.
Aýgözel AMANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.