Bütindünýä şygryýet güni
1999-njy ýylda Parižde geçirilen UNESCO-nyň 30-njy Baş mejlisinde 21-nji mart - Bütindünýä şygryýet güni diýlip yglan edildi. Onuň şeýle atlandyrylmagynyň baş maksady hem, şahyrana beýan etme arkaly diliň dürli aýratynlyklaryny saklamak we ýitme howpy abanýan dilleriň ullanylmagyna mümkinçilik döretmekden ybaratdyr.
Her ýylyň 21-nji martynda bellenilýän Bütindünýä şygryýet gününde medeni we dil taýdan aňlatmagyň iň gymmatly görnüşlerinden birini bolan poeziýany baýram edýär. Tutuş taryhyň dowamynda poeziýa jemgyýetiň aýrylmaz bölegine öwrülipdi. Ony her bir medeniýetde we yklymda ýüze çykaryp bolýar. Poeziýa iň ýonekeý goşgy setirlerini gepleşikleriň we parahatçylygyň hereketlendiriji güýjüne öwürmek bilen, umumadamzat gymmatlyklarymyzyň beýany bolup durýar.
Bütindünýä şygryýet güni, munuň özi şahyrlary hormatlamagy, çeper okaýyşyň dilden-dile geçýän ýörelgelerini gaýtadan dikeltmegi, goşgy okamaga, ýazmaga we bu ugurda okatmaga bolan gyzyklanmany oýarmagy, teatr, tans, aýdym-saz we surat ýaly sungatyň beýleki görnüşleri bilen şygryýetiň arasyndaky arabaglanyşygy ösdürmegi, şeýle hem köpçülikleýin habar beriş serişdelerinde şygryýeti giňden ýaýmagy üpjün edýär. Şygyr dünýäniň dürli künjeklerindäki adamlary ýakynlaşdyrýar.
Biziň ýurdumyzda hem şygryýete uly sarpa goýulýar. Meşhur şahyrlarymyz hormatly Prezidentimiziň şa serpaýlaryna mynasyp bolýarlar.
Sona HALYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
3-nji ýyl talyby