Breýn - ring bäsleşigi geçirildi
2024-nji ýylyň 19-njy aprelinde Türkmenistanyň Daşary işler ministrliginiň Halkara gatnaşyklary institutynda iňlis dili hepdeligine bagyşlanyp talyplaryň gatnaşmagynda breýn -ring bäsleşigi geçirildi.
Bäsleşikde talyplar iňlis dilindäki nakyllar, idiomalar, frazeologizmler ýaly grammatik soraglara jogap bermek bilen dil bilmekde başarnyklaryny görkezip, tutanýerlilik we höwesjeňlik bilen bäsleşdiler. Çekeleşikli geçen bäsleşigiň netijesinde Halkara hukugy fakultetiniň talyplary I orna, Halkara žurnalistikasy fakultetiniň talyplary II orna, Halkara gatnaşyklary we Halkara ykdysady gatnaşyklary fakultetiniň talyplary III orna mynasyp boldular.
Maral KARLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.