BMG-NIŇ TÜRKMENISTANDAKY WEKILHANASYNDA ÇAGALARY GORAMAGYŇ HALKARA GÜNI BELLENILDI
2022-nji ýylyň 1-nji iýunynda Birleşen Milletler Guramasynyň Aşgabatdaky wekilhanasynda Çagalary goramagyň halkara güni mynasybetli baýramçylyk dabarasy geçirildi. Oňa Türkmenistandaky daşary ýurt wekilhanalaryndan myhmanlar, çagalar döredijilik bäsleşiginiň Aşgabat şäheri we Ahal welaýaty boýunça ýeňijileri, şeýle-de institutymyzyň Halkara ykdysady gatnaşyklary fakultetiniň talyplary Diýar Lomanow we Arslankerim Kerimow gatnaşdylar. Dabaranyň dowamynda «Meniň gahrymanym kim?» atly döredijilik bäsleşigi we oňa gatnaşyjy çagalaryň çeken suratlarynyň 300 töwereginiň özboluşly sergisi guraldy. Baýramçylyk dabarasynyň ahyrynda ýeňijilere ýadygärlik sowgatlary gowşuryldy.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
I ýyl talyby.