“Berkarar döwletiň täze eýýamynyň Galkynyşy döwrüniň talyplary” atly woleýbol ýaryşy geçirildi
Türkmen halkynyñ Milli Lideri Gahryman Arkadagymyzyñ, Hormatly Prezidentimiz Arkadagly Gahryman Serdarymyzyñ parasatly baştutanlygynda Berkarar döwletiñ täze eýýamynyñ Galkynyşy döwründe "Pähim-paýhas ummany Magtymguly Pyragy” ýylynda ýaş nesilleriñ ylymly-bilimli, watansöýüji, berk bedenli bolup ýetişmekleri üçin giñ mümkinçilikler döredilýär. Ýaşlaryñ boş wagtlaryny ýerlikli peýdalanmak, olaryñ ýaramaz endiklerden daşda durmaklaryny wagyz etmek, ýaş nesilleriñ ahlak taýdan kämil, päk, sagdyn we ruhy taýdan belent bolup ýetişmekleri barada yzygider alada edilip, gyzykly bäsleşiklerdir ýaryşlar geçirilýär.
2024-nji ýylyñ 13-nji iýunynda Türkmenistanyñ Daşary işler ministrliginiñ Halkara gatnaşyklary institutynda sportuñ woleýbol görnüşi boýunça institutymyzyñ talyp ýaşlarynyñ arasynda “Berkarar döwletiň täze eýýamynyň Galkynyşy döwrüniň talyplary” atly bäsleşik geçirildi. Bäsleşik örän gyzykly we çekeleşikli ýagdaýda geçip, Halkara gatnaşyklary fakulteti 1-nji orna, Halkara žurnalistikasy fakulteti 2-nji orna, Halkara ykdysady gatnaşyklary fakulteti 3-nji orna mynasyp boldular. Şeýle sport bäsleşikleriniñ yzygiderli geçirilmegi geljekki halkaraçy hünärmenleriñ sagdyn berk bedenli ýaşlaryñ kemala gelmegine uly ýardam berýär.
Zebo JORAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.