"BERK BINÝATLY WATANYM" ATLY ÇEPER OKAÝYŞ BÄSLEŞIGI
2025-nji ýylyň 3-nji iýunynda Türkmenistanyň Daşary işler ministrliginiň
Halkara gatnaşyklary institutynyň Dünýä dilleri kafedrasynyň garamagynda hereket
edýän “Lingvo World” ylmy gurnagynyň guramagynda “Berk binýatly Watanym”
atly çeper okaýyş bäsleşigi geçirildi. Onuň dowamynda institutyň talyplary we
gurnagyň agzalary çykyş etdiler. Çykyşyň dowamynda türkmen bitaraplygynyň
aýratynlyklary, ýurdumyzyň gazananlary we medeni gymmatlyklary,
diplomatiýadaky orny, şeýle hem Hytaý Halk Respublikasy, Fransiýa, Germaniýa,
Türkiýe, Eýran Yslam Respublikasy we Ýaponiýa ýaly ýurtlar bilen hyzmatdaşlygy
barada gürrüň edildi. Mundan başga-da, talyplaryň iňlis, nemes, fransuz we hytaý
dillerinde çykyş etmekleri çeper okaýyş bäsleşiginiň täsirini has-da artdyrdy.
Çykyşlardan soň talyplar Gahryman Arkadagymyzyň “Türkmenistan –
bitaraplygyň mekany” atly kitaby esasynda taýýarlanylan soraglara jogap berdiler.
Institutyň dünýä dilleri kafedrasynyň mugallymlary bäsleşigiň jemini jemläp,
talyplara okuwlarynda üstünlik arzuw etdiler.
Sahydöwlet HÜMMETJUMAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.