BAÝRAMÇYLYGA BAGYŞLANAN GEZELENÇ
2026-njy ýylyň 27-nji fewralynda Türkmenistanyň Daşary işler ministrliginiň Halkara gatnaşyklary institutynyň ilkinji Zenanlar we ilkinji Ýaşlar guramalarynyň işjeň agzalarynyň gatnaşmaklarynda Türkmen halysynyň milli muzeýine baýramçylyk gezelenji guraldy.
Halkara Zenanlar gününiň öň ýanynda guralan gezelenjiň dowamynda talyp ýaşlara haly nagyşlarynyň taryhy, adam saglygy üçin halylaryň peýdasy, haly dokamak sungatynyň biziň günlerimize gelip ýetmeginde zenanlaryň orny hakynda maglumatlar berildi. Gezelenjiň dowamynda bu ajaýyp muzeý dünýäniň çar künjeginden gelýän jahankeşdeleriň hem iň bir gelim-gidimli ýerine öwrülendigini muzeýiň hünärmenleri belläp geçdiler.
Şeýle gyzykly gezelençleriň yzygiderli guralmagy türkmen diplomatiýasynyň geljekki wekilleri bolan talyp ýaşlaryň ukyp-başarnyklarynyň açylmagyna ýetirýän täsiriniň uludygy bellärliklidir.
Gülzada ANNASÄHEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 1-nji ýyl talyby.