Azyk ýitgileri we iýmit galyndylary barada habarlary ýaýratmagyň halkara güni
2019-njy ýylyň 19-njy dekabrynda Birleşen Milletler Guramasynyň Baş Assambleýasynyň Kararnamasy bilen döredilip, her ýylyň 29-njy sentýabrynda bellenilýän «Azyk ýitgileri we iýmit galyndylary baradaky maglumatlary ýaýratmagyň halkara güni» belli seneleriň arasynda özboluşly orun eýeleýär.
Dünýäde 2014-nji ýyldan bäri açlykdan ejir çekýänleriň sany kem-kemden köpelýär. Her gün köp mukdarda ýokary hilli iýmit ýitirilýän ýa-da biderek sarp edilýän dünýäde azyk ýitgilerini we galyndylaryny azaltmak möhümdir. Pandemiýa dünýädäki her bir adamyň azyk önümçiligine we sarp edilişine deňagramly çemeleşmeler hakda pikirlenmägiň zerurdygyny görkezdi.
Birleşen Milletler Guramasynyň Azyk we Oba hojalyk guramasy (FAO) ýöriteleşdirilen edara bolmak bilen, hemmeler üçin azyk howpsuzlygyny we ilatyň ýokary hilli iýmitlere yzygiderli elýeterliligini üpjün etmek ugrunda iş alyp barýar. Bu gurama dünýäniň 130-dan gowrak ýurdy bilen iş salyşýar.
Nurmyrat AZADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň talyby.