719
Asteroidiň halkara güni
1908-nji ýylyň 30-njy iýunynda, irden sagat ýedi töweregi, Ýeniseý basseýniniň çäginden, günorta-gündogardan demirgazyk-günbatara ägirt uly asteroid uçup geçýär we ilatsyz ýerde 7-10 km belentlikde ýarylýar. Partlama tolkuny, tutuş dünýäniň, şol sanda günbatar ýarym şaryň ähli abserwatoriýalary tarapyndan ýazga alynýar. Hadysanyň netijesinde 2000 km²-den gowrak meýdanda ösýän agaçlar kesilýär we partlamanyň merkezinden birnäçe ýüz kilometr uzaklykda ýerleşýän jaýlarda hatda penjireler hem döwülýär.
Asteroidiň halkara güni 2016-njy ýylda Birleşen Milletler Guramasynyň Baş Assambleýasynyň Karary bilen yglan edildi. Bu güni yglan etmäge, asteroidler bilen baglanyşykly howp barada maglumat ýaýratmagyň zerurlygy sebäp boldy. BMG-niň daşky gurşawy parahatçylykly peýdalanmak baradaky komitetiniň çäginde Ýer şaryna ýakynlaşýan obýektleri öwrenmek boýunça topar işleýär. Ol toparyň agzalarynyň pikiriçe, geljekki ýüzýyllyklarda ululygy bir kilometrden geçýän asteroidler bilen çaknyşma garaşylmaýar. Hünärmenleriniň pikiriçe, häzirki wagtda asteroidler we beýleki howply zatlar bilen çaknyşmagyň öňüni almak mümkinçiligi bar.
Mähriban HUDAÝGULYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby
Soňky täzelikler
07/09/2024
INTERNATIONAL LITERACY DAY05/09/2024
Halkara haýyr-sahawat güni