ARASSAÇYLYK DÜZGÜNLERINI BERJAÝ ETMEK BILEN BAGLY WAGYZ-NESIHAT DUŞUŞYGY
2024-nji ýylyň 18-nji aprelinde Türkmenistanyň Daşary işler ministrliginiň Halkara gatnaşyklary institutynyň ilkinji Zenanlar guramasynyň guramagynda institutyň talyp ýaşlarynyň arasynda tertip-düzgün, milli ahlak ýörelgelerini ýaýbaňlandyrmak, zyýanly endikleriň adam saglygyna ýetirýän zyýanyny düşündirmek, ýaşlaryň saglygyny, işjeňligini we ömrüni uzaltmagyň netijeli ýollary, bedenterbiýäniň adam saglygyna ýetirýän täsiri, maşgalanyň sagdyn bolmagy, arassaçylyk kadalaryny berjaý etmeklik we ýaşlaryň bu meseleler barada düşünjesini ýokarlandyrmak maksady bilen «Arassaçylyk düzgünlerini berjaý etmek» ady bilen wagyz-nesihat duşuşygy geçirildi.
Duşuşygyň dowamynda Türkmenistanyň Saglygy goraýyş we Derman senagaty ministrliginiň Aşgabat şäher arassaçylyk we keselleriň öňüni alyş gullugynyň epidimiolog lukmany Maral Allabaýewa, Türkmenistanyň Saglygy goraýyş we Derman senagaty ministrliginiň Ýokanç keselleri merkezleri müdiriýetiniň Milli AIDS-iň öňüni alyş merkeziniň lukmany Şamuhammet Öwezmyradow dagy çykyş etdiler. Olar öz gezeginde ýurdumyzda ösüp gelýän ýaş nesliň zyýanly endiklerden daşda durmalydygy, saglygyň maşgaladan başlanýandygy, maşgala saglygyny ýurduň saglygyna deňelýändigi, sagdyn jemgyýeti kemala getirmegiň ähmiýeti dogrusynda gürrüň etdiler.
Aýgül MÄMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.