Akyldar şahyrymyza bagyşlanan metbugat duşuşygy
2024-nji ýylyň 27-nji martynda Türkmenistanyň Daşary işler ministrliginiň Halkara gatnaşyklary institutynda Magtymguly Pyragynyň doglan gününiň 300 ýyllygyna bagyşlanan metbugat duşuşygy geçirildi. Duşuşyga ýurdumyzda ýaşlaryň söýgüli neşiri bolan «Nesil» gazetiniň bölüm redaktory Daňatar Galpakow, şeýle hem institutyň mugallymlarydyr talyp ýaşlary gatnaşdylar.
Institutyň Žurnalistikanyň nazaryýeti we amalyýeti kafedrasy tarapyndan guralan metbugat duşuşygy «Akyldar şahyryň «Berkarar döwlet istärin» diýen ganatly sözleriniň Berkarar döwletiň täze eýýamynyň Galkynyşy döwründe amala aşyrylyşy» diýlip atlandyryldy.
Duşuşykda dana şahyryň döredijiligi, onuň eserleriniň ýaş nesilleri terbiýelemekdäki orny, halkara derejesinde şahyra bagyşlanyp geçirilýän dabaralar barada giňişleýin söhbet edildi. Metbugat duşuşygyna gatnaşyjylar beýik söz ussady Magtymguly Pyragynyň edebi mirasyny bütin dünýäde dabaralandyrýan Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Selbiniýaz GOÇMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.