“AIM Global 2023” maýa goýum forumy
2023-nji ýylyň 8-10-njy maý aralygynda Birleşen Arap Emirlikleriniň Abu-Dabi şäherinde “AIM Global 2023” maýa goýum forumy geçiriler. «Maýa goýumyň özgeriş nusgasy: Durnukly ykdysady ösüş, dürlülik we gülläp ösüş üçin hyzmatdaşlygyň geljekki maýa goýum mümkinçilikleri» ady bilen geçirilýän 12-nji forumy dünýäniň iň uly maýa goýum forumy bolmagyna garaşylýar. “AIM Global 2023” maýa goýum forumy 160 sany mejlisden ybarat bolup, oňa 600-den gowrak ýokary derejeli wekiller gatnaşarlar. “AIM Global” her ýyl dünýä liderlerini, hökümet wekillerini, syýasatçylary, maýadarlary we global meseleleri çözmek, maýa goýumlaryny ösdürmek we dünýä ykdysadyýetiniň dikeldilmegini tizleşdirmek isleýänleri birleşdirýän iri göwrümli maýa goýum forumydyr. Maýa goýum forumynyň başlygy Dawud Al Şezawiniň aýtmagyna görä: “Bu forum BAE-niň global maýa goýum kartasyndaky ornuny berkitmekde we ýakyn 50 ýylda Emirlikleriň ösüşine itergi bermekde üstünlik gazandy” diýip belläp geçdi. Şeýle hem Birleşen Arap Emirlikleriniň paýtagtynda geçen ýyl geçirilen maýa goýum forumyna dünýäniň 174 döwletinden 11,5 müňden gowrak adam, şol sanda 65 sany ýokary derejeli döwlet wekilleri, maýadarlar, maliýe edaralarynyň ýolbaşçylary we işewürler gatnaşdylar.
Wepa KARAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň II ýyl talyby.