Energetika diplomatiýasynyň okuw sapagy geçirildi
2024-nji ýylyň 27-nji noýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Energetika diplomatiýasy” ugry boýunça nobatdaky okuw sapagy geçirildi.
Bu okuw sapagynda Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň mugallymy Kakajan Mommadow «Nebiti we gazy eksport edýän esasy döwletleriň daşary energetika syýasaty. Saud Arabystanyň energetika syýasaty we diplomatiýasy. Eýranyň daşary syýasatynda energetika meseleleri. Alžiriň daşary energetika strategiýasy. Norwegiýanyň daşary syýasatynda energetika hyzmatdaşlygy. Transmilli korporasiýalaryň dünýä energetikasyna ýetirýän täsiri» atly tema boýunça giňişleýin gürrüň berdi. Okuw sapagynyň dowamynda energetika diplomatiýasynyň halkara gatnaşyklary ulgamyndaky ähmiýeti, ösüşi we Türkmenistanyň energetika diplomatiýasynyň esasy ugurlary, olaryň iş ýüzündäki orny we bu babatda Türkmenistanyň alyp barýan halkara hyzmatdaşlygy bellenilip geçildi.
Talyplar üçin bu okuw sapagy örän täsirli bolup, olar özlerini gyzyklandyrýan sowallara giňişleýin jogap aldylar.
Eziz MÄTIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.