7-nji noýabr - türkmen radiosynyň ilkinji ýaňlanan güni
2023-nji ýylyň 7-nji noýabrynda Türkmenistanyň Daşary işler ministrliginiň Halkara gatnaşyklary institutynda Žurnalistikanyň nazaryýeti we amalyýeti kafedrasynyň “Ýaş žurnalistler” ylmy-döredijilik gurnagynyň gurnamagynda 7-nji noýabr - türkmen radiosynyň ilkinji ýaňlanan güni mynasybetli halypa žurnalistler bilen döredijilik duşuşygy geçirildi. Döredijilik duşuşyga “Miras” radioýaýlymynyň gepleşikleri gurnaýjysy we taýýarlaýjysy Ýazjemal Ýaýlymowa, “Çar tarapdan” radioýaýlymynyň gepleşikleri gurnaýjysy we taýýarlaýjysy Jeren Ataýewa we Halkara žurnalistikasy fakultetiniň talyplary gatnaşdylar. Duşuşygy Halkara žurnalistikasy fakultetiniň III ýyl talyby Bägül Kakalyýewa alyp bardy.
Duşuşygyň dowamynda çykyş eden halypa žurnalistler türkmen radiosynyň taryhy, 1926-njy ýylda Türkmenistanda «Radiosöýüjiler» jemgyýetiniň döredilmeginiň ähmiýeti, Aşgabatda 1927-nji ýylyň 7-nji noýabrynda ozalky Karl Marks meýdançasynda ilkinji gezek ýaýlymda ýaňlanan türkmen radiosynyň bu günki gündäki ösüşi, radiožurnalistleriň aýratynlygy, radionyň meşhur diktorlar düzümi, halypa alypbaryjylar, aýratynam radionyň redaksiýasynda zähmet çeken Arap Gurbanow, Sähet Kulyýew, Aman we Oraz Pussiýanowlar, Oraz Salyr, Muhy bagşy, Sary bagşy, Mylly Täçmyradow, Amangeldi Myşşyýew, Baýram Geldimyradow ýaly bagşy-sazandalardyr ýazyjy-şahyrlary barada täsirli ýatlamalara ýugrulan maglumatlary talyplar bilen paýlaşdylar. Şeýle-de Garaşsyz, hemişelik Bitarap Türkmenistan ýurdumyzda bolup geçýän syýasy wakalara syn bermek, ony gyzgyny bilen halk köpçüligine ýetirmekde, türkmen halkynyň gadymy taryhyny, milli medeni mirasyny öwrenmek we dünýä ýaýmakda, agzybirligi, abadançylygy berkitmekde, ýaşlary ruhy we beden taýdan sagdyn terbiýelemekde, diňleýjileri ýokary hilli, ahlak taýdan arassa, ruhubelent, çuň many-mazmunly we çeperçilik taýdan kämil gepleşikleri täsirli hem-de gyzykly eserler bilen özüne çekmekde meşhurlyk gazanan türkmen milli radioýaýlymlarynyň işi barada gürrüň berdiler.
Duşuşygyň dowamynda talyp ýaşlar halypalara özlerini gyzyklandyrýan sowallar bilen ýüzlendiler. Şeýle-de olar halypa žurnalistlerden institutyň çäginde hereket edýän, Halkara žurnalistikasy fakultetiniň talyplary tarapyndan taýýarlanylýan “Žurnalistiň sesi” radiogepleşigini taýýarlamakda we alyp barmakda döreýän
ähmiýet berýän Gahryman Arkadagymyza, Arkadagly Gahryman Serdarymyza köp kynçylyklary ýeňip geçmek babatda degerli maslahatlar aldylar.
Duşuşygyň ahyrynda oňa gatnaşyjylar ýurdumyzda köpçülikleýin habar beriş serişdeleriniň işine we milli žurnalistikanyň ösüşine aýratyn sagbolsun aýtdylar.
Merjen AŞYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby,
“Ýaş žurnalistler” ylmy-döredijilik gurnagynyň işjeň agzasy.