10-11-nji synp okuwçylarynyň arasynda daşky gurşawy goramak we ekologiýa medeniýeti boýunça internet bäsleşigi
Türkmenistanyň Daşary işler ministrliginiň Halkara gatnaşyklary institutynyň
Durnukly ösüş maksatlary boýunça ylmy-usulyýet merkezi tarapyndan
Daşky
gurşawy goramagyň Bütindünýä güni mynasybetli
ýurdumyzyň umumy bilim
edaralarynyň 10-11-nji synp okuwçylarynyň arasynda
daşky gurşawy goramak we ekologiýa medeniýeti boýunça internet bäsleşiginiň
DÜZGÜNNAMASY
Hormatly Prezidentimiziň parasatly ýolbaşçylygynda Berkarar döwletiň täze
eýýamynyň Galkynyşy döwründe ýurdumyz tarapyndan dünýäde howpsuzlygy,
ählumumy parahatçylygy pugtalandyrmak, durnukly ösüşe ýardam bermek,
hoşniýetli gatnaşyklary ösdürmek babatda beýik işler amala aşyrylýar. Bitarap
Türkmenistanyň daşky gurşawy goramak babatda amala aşyrýan ägirt uly işleri,
dünýä ähmiýetli oňyn başlangyçlary dünýäde uly goldawa eýe bolýar.
Ýurdumyzda ekologiýa abadançylygyny üpjün etmek, eziz Diýarymyzy bagy-
bossanlyga öwürmek, ösümlik we haýwanat dünýäsini baýlaşdyrmak, gözel
tebigatymyzy aýawly saklamak boýunça giň möçberli işler üstünlikli durmuşa
geçirilýär.
Ýurdumyzyň baýlyklaryny gorap saklamakda, olary rejeli peýdalanmakda,
daşky gurşawyň zaýalanmagynyň öňüni almakda ýaşlaryň düşünjesini we olaryň
ekologiýa medeniýetini ýokarlandyrmak aýratyn ähmiýetli bolup durýar. Şunuň
bilen baglylykda, Diýarymyzyň umumy orta bilim berýän mekdepleriniň 10-11-nji
synp okuwçylarynyň arasynda Daşky gurşawy goramagyň Bütindünýä güni
mynasybetli olaryň daşky gurşawy goramak bilen baglanyşykly düşünjesini
ýokarlandyrmak maksady bilen, Durnukly ösüş maksatlary boýunça ylmy-usulyýet
merkeziniň gurnamagynda internet arkaly geçiriljek bäsleşik bu maksatlara
ýetmekde möhüm ädimleriň biri bolar.
Bäsleşigiň maksady
Bäsleşigiň maksady ýaşlaryň daşky gurşawy goramak meseleleri boýunça
düşünjesini we ekologiýa medeniýetini ýokarlandyrmak bolup durýar. Şu bäsleşigi
sanly bilim ulgamyny ösdürmäge we bilim bermegiň ähli basgançaklaryny ýokary
hilli elektron maglumatlary bilen üpjün etmäge, sanly serişdeleri giňden
peýdalanyp, bilim edaralarynda berilýän bilimiň mazmunyny baýlaşdyrmaga,
hiliniň dünýä derejesine laýyk bolmagyny üpjün etmäge we okatmagyň usulýetini
kämilleşdirmäge gönükdirilen sanly bilim ulgamyny ösdürmegiň Konsepsiýadan
ugur alnyp internet arkaly geçirmeklik göz öňünde tutulýar.
Bäsleşigiň guramaçylyk üpjünçiligi
Ýurdumyzyň umumy orta bilim berýän mekdepleriniň 10-11-nji synp
okuwçylarynyň arasynda internet arkaly geçiriljek bäsleşigi guramak we geçirmek
boýunça umumy ýolbaşçylygy amala aşyrmak boýunça guramaçylyk topary
döredilýär. Guramaçylyk toparynyň düzümi Türkmenistanyň Daşary işler
ministrliginiň Halkara gatnaşyklary institutynyň rektorynyň Buýrugy bilen
tassyklanylýar.
Bäsleşigiň geçirilişiniň tertibi
1. Bäsleşige Türkmenistanyň umumy orta bilim berýän mekdepleriniň
10-11-nji synp okuwçylary gatnaşyp bilerler;
2. Bäsleşigiň dili türkmen dilidir;
3. Bäsleşikde gatnaşyjylara şu edebiýatlardan düzülen 100 sany test soragy
hödürlener:
Berdimuhamedow G. Türkmenistan Durnukly ösüşiň maksatlaryna
ýetmegiň ýolunda. – A.: Türkmen döwlet neşirýat gullugy, 2018.
Geldiýew R., Kiçiýew A. Ýaşaýyş-durmuş esaslary. Umumy orta bilim
berýän mekdepleriň X synpy üçin okuw kitaby. Ikinji neşir. – A.: Türkmen
döwlet neşirýat gullugy, 2020.
Muhammetberdiýew Ö., Süleýmanow S. Jemgyýeti öwreniş. Umumy orta
bilim berýän mekdepleriň X synpy üçin okuw kitaby. – A.: Türkmen döwlet
neşirýat gullugy, 2020.
Durdyýew S., Ymamgulyýew B. Umumy biologiýa. Umumy orta bilim
berýän mekdepleriň XI synpy üçin synag okuw kitaby. – A.: Türkmen
döwlet neşirýat gullugy, 2014.
Durdyýew S. we başg. Ekologiýa. Umumy orta bilm berýän mekdepleriň X
synpy üçin okuw kitaby. – A.: Türkmen döwlet neşirýat gullugy, 2013.
4. Bäsleşik üçin jemi berilýän wagt – 100 minut.
Bäsleşige gatnaşýan okuwçy soraglary özbaşdak işlemeli. Bäsleşik geçýän
wagty gatnaşyjylara ýoldaşy bilen gürleşmäge, öýjükli telefondan we beýleki habar
beriş serişdelerinden, edebiýatlardan peýdalanmaga rugsat berilmeýär. Şu düzgüni
bozan okuwçy bäsleşige gatnaşyjylaryň hataryndan çykarylýar. Bäsleşigiň
guramaçylyk talaplaryny gatnaşýan okuwçylaryň mekdep müdiri üpjün etmäge
borçludyr.
Okuwçy ýumuşlary ýerine ýetirýän wagtynda degişli soraglar bilen bäsleşigiň
gurnaýjylaryna ýa-da kompýuter otagynyň tehniki işgärlerine ýüz tutup biler.
Bäsleşikde hödürlenjek soraglar Türkmenistanyň Daşary işler ministrliginiň
Halkara gatnaşyklary instituty tarapyndan düzüler.
Bäsleşigiň geçiriljek ýerleri:
Aşgabat şäheri we Ahal welaýaty – Türkmenistanyň Daşary işler
ministrliginiň Halkara gatnaşyklary institutynda;
Balkan welaýaty – Ýagşygeldi Kakaýew adyndaky Halkara nebit we gaz
uniwersitetiniň şahamçasynda;
Daşoguz welaýaty – Türkmen oba hojalyk institutynda;
Lebap welaýaty – S.Seýdi adyndaky Türkmen döwlet mugallymçylyk
institutynda;
Mary welaýaty – Türkmen Döwlet energetika institutynda.
Bäsleşige gatnaşmak isleýän umumy orta bilim berýän mekdepleriň 10-11-nji synp okuwçylary özleri hakyndaky maglumaty aşakdaky nusga laýyklykda
Orta mekdebiniň ady/belgisi
T/b
| Familiýasy, ady, atasynyň ady
| Okuw ýyly
| 3*4-lik suraty
|
1.
|
|
|
|
2.
|
|
|
|
3.
|
|
|
|
4.
|
|
|
|
5.
|
|
|
|
Habarlaşmak üçin: Tel.:_______________
Elektron salgy ________________
Bäsleşik 2023-nji ýylyň 17-nji maýynda sagat 10:00 geçiriler we ähli gatnaşyjylar üpjün edilen login/açar arkaly goşular, bäsleşik bir wagtda geçiriler we ähli gatnaşyjylara ekran arkaly gözegçilik ediler.
Bäsleşigiň ýeňijilerini kesgitlemek
Bäsleşigiň netijesi toplanan ballaryň jemi boýunça kesgitlenýär.
Ýeňijileri sylaglamak
Türkmenistanyň Daşary işler ministrliginiň Halkara gatnaşyklary institutynyň,
şeýle hem Birleşen Milletler Guramasynyň Türkmenistandaky wekilhanasynyň
I, II we III derejeli diplomlary we ýadygärlik sowgatlary bilen sylaglanýar.
Bu barada şu ýerde hem okap bilersiňiz: