Ykdysady diplomatiýa ugry boýunça okuw sapagy
2022-nji ýylyň 14-nji noýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda ykdysady diplomatiýa ugry boýunça nobatdaky okuw sapagy geçirildi. Okuw sapagyny institutyň Halkara ykdysady gatnaşyklary kafedrasynyň mugallymy, tehniki ylymlarynyň kandidaty, dosent Öwezmyrat Bäşimow alyp bardy. Bu okuw sapagy «Türkmenistanyň ykdysady diplomatiýasynyň kemala gelmeginiň şertleri» atly tema boýunça geçirildi. Sapagyň dowamynda häzirki döwürde döwletleriň daşary syýasatynyň ykdysady ugry, ykdysady diplomatiýanyň kemala gelmegi, we ykdysady diplomatiýa döwletiň daşary syýasatynyň hem-de onuň alyp barýan halkara işjeňliginiň düzüm bölegini emele getirmegi, häzirki döwürde ykdysady diplomatiýanyň ösüşini üpjün etmekdäki wajyp orny, ähmiýeti dogrusynda giňişleýin gürrüň berildi. Täze-täze maglumatlara baý bolan okuw sapagyň dowamynda talyp ýaşlar mugallyma özlerini gyzyklandyrýan sowallar bilen ýüzlendiler.
Baýmuhammet ATAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.