Ykdysady diplomatiýa ugry boýunça okuw sapagy
2023-nji ýylyň 15-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Ykdysady diplomatiýa” ugry boýunça Türkmen döwlet ykdysadyýet we dolandyryş institutynyň talyplaryna “Banklaryň döreýşi” atly temadan okuw sapagy geçirildi.
Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň dosenti, teh.y.k. Öwezmyrat Bäşimow alyp bardy.
Bank adalgasy, häzirki döwürde bank ulgamynyň sazlaşykly ösüşini üpjün etmekde örän ýerliklidir. Halkara hyzmatdaşlykda banklaryň orny, ýerine ýetirýän wezipeleri barada bellenilip geçildi. Sapagyň dowamynda banklaryň kemala gelmegi, onuň ösmegi, taryhy döwürleri barada talyplara giňişleýin maglumatlar berildi.
Okuw sapagynyň dowamynda Halkara ykdysady gatnaşyklary fakultetiniň III ýyl talyby Bilbil Berdiýewa özüniň “Bank ulgamynyň işini kämilleşdirmegiň usullary” atly ylmy işiniň I tapgyry boýunça çykyş etdi.
Sapak sorag-jogap görnüşinde geçirildi. Talyplaryň soraglaryna anyk mysallaryň üsti bilen jogap berildi.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.